M. Naufal Himmatul Faa’iq IX-B/20

Perjuangan Ndelok Film

iburan semester lan nataru tahun iki, mulai tanggal 22 Desember 2024 sampek tanggal 2 Januari 2025 tahun ngarep. Langsung ae umume bocah enom aku wes gawe rencana sedino sak urunge liburan. Salah sijine rencana liburan e yaiku ndelok film.

Pas kui dino Selasa tanggal 24 Desember, aku wes ngerencanakne ndek Sabtu kepungkur lek Selasa aku arep e ndelok film. Aku ndelok film ora dewe, tapi karo konco cedekku, celuk ae Mbak He. Aku karo Mbak He arep ndelok film “Hutang Nyawa” nek Golden Theater Tulungagung. “Her, awak e dewe ndelok film sing jam 14.10 ae yo?” tekokku nek Mbak He. “Iyo, jam semono ae ben ndak panas.” jawab Mbak He.

Aku budal teko omah e Mbak He kui jam 13.15 pas cuacane berawan ora panas tapi ora mendung. Pas sek teka Desa Boro kok malah udan deres, “Heh pal, udan ki lo. Mandek sek ae.” Mbak He ngejak ngiyup. Tujokno aku kok bocah lanang seng siap, tanggap, tur sigap. Aku langsung reflek menggok nek yup-yupan kanggo njukuk mantel sing nek jok motor. Aku sing siap, tanggap, tur sigap iki wes nyiapno mantel 2 setel dinggo lek sak wayah-wayah keudanan ngene iki. Bar nggae mantel, langsung tak lanjut ae. “Her, terus ae yo? iki engko wedine telat film e.” “Manut aku pall.” Jawabane Mbak He.

Jam 13.45 alhamdulilah wes teko nek golden. Awak e dewe langsung nek Golden Swalayan disik, tuku jajan dingge nek bioskop. Rejekine bocah siap, tanggap, tur sigap iki. Mbak He eroh-eroh omong “Pal Pal, iki tak bayari yoo, tapi tiket film e bayarono, hehee.” “Yowes lah ngono ae.” Jawabku karo wajah rodok seneng. Bar tuku jajan, awak e dewe ganti nek Golden Theater ngge tuku tiket ndelok film kui maeng. Langsung ae ganti aku seng mbayar tiket e.

Awak e dewe milih nggon lungguh nek G8 lan G9, ben penak posisi ndelok film e. Awal-awal ndelok film sek tenang, damai. Pas mulai masuk adegan-adegan sing marai kaget, kok eroh-eroh tanganku digegem, dijiwit, diremet, jan panggah tak tahan selama ndelok film karo Mbak He. “Hihhh Pall!!” Omonge Mbak He karo wedi-wedi nutupi wajah. “Ora Herr, tanganku ojo kok remet, lara lee!” sahutku karo nahan lara. Masio tanganku sampek abang panggah tak tahan selama ndelok film.

Singkate, wes bar ndelok film kok wes jam 16.15. Aku omong nek Mbak He, “Her, ayo nek Gacoan. Gelem opo ndak? Tak bayari wees.” Aku ngajak nek Gacoan. “Yowes yoh Pall, bayarono tapi yooo..” sahut Mbak He. Nek gacoan, awak e dewe pesen 6 menu seng dimaem kono langsung lan 5 dibungkus dingge wong nek omah.

Jam 17.00 an Mbak He ngomong, “Pall, ayo muleh. Aku engko bar magrib arep dijak ibukku nek mbah uti.” “Yowes, ayo muleh Her.”. Bar kui awak e dewe siap-siap arep muleh. Langsung ae Mbak He tas terne nek omah e. Teko omah e jam 17.30 “Yowes He, aku langsung mulih yo. Wes meh magrib.” “Loh Pall, ndak mampir sek. Digoleki ibukku engko piye? Mbak He nekoki kok aku cepet-cepet mulih. “Titip salam ae yo, sesuk aku tak dolan rene.”. “Yowes, tenan yo! Ati-ati Pall. Matur suwun yo.” Balas e Mbak He. Aku teko omah jam 17.45 terus aku adus.

Ngapunten kanca-kanca, menawa enek salah pangucap lan sebangsane. Ngapunten aku ora iso cerita film. Engko wedine spoiler. Ngono wae, Wassalamu’alaikum Barahmatullahi Wa Barakatuh.

~~~MATUR SUWUN~~~