Kenalna, jenengku Elisa Zahra Qatrunada, siswi kelas 8E sing sekolah ing MTsN 6 Tulungagung. Ing kesempatan iki, aku pengin nyritakake pengalaman babagan sawetara kegiatan sing tak lakoni pas liburan wiwit tanggal 21 Desember nganti 1 Januari. Liburan iki dadi momen sing nyenengake kanggo aku, kebak guyu, kekancan, lan petualangan sing seru.

Dina kapisan liburan, yaiku dina Sabtu, aku ngentekake wektu ing omah karo ngenteni rapor sing dijupuk ibuku. Sakdurunge ibuku bali, aku nyuwun tuku pentol lan es. Sakwise ibuku bali lan mriksa asil raporku, aku cukup puas sanajan ngerti yen aku kudu luwih giat sinau supaya nilaine bisa luwih apik. Momen iki nggawe aku nyadari pentinge usaha ing sinau.

Sakwise nikmati pentol lan es sing dituku ibuku, dumadakan ana kancaku sing ngirim wa. “Da, sesuk Senin dolan yuk ing kafe ngendi wae,” tulise. Aku penasaran lan mbales, “Kafe ngendi?” Dheweke njawab kanthi semangat, “Kafe cedhak kubah-kubah.” Aku lan kancaku sepakat ketemu jam 9 esuk sesuk.

Ing dina Senin, sakwise adus lan siap-siap, kancaku teka neng omahku diterne ibune. Aku langsung lunga menyang kafe sing wis direncanakake. Nanging, wektu tekan kono, kafene jebule tutup lan mung bukak jam 12 awan. Aku lan kancaku nggoleki alternatif liyane lan nemokake kafe cedhak sing wis bukak. Ing kana, aku mesen ombe matcha regane kira-kira Rp15.000.

Sakwise ngentekake wektu udakara 20 menit ing kafe, aku lan kancaku mutusake nerusake dolan numpak motor menyang desa Dono. Ing dalan, aku ndelok bakul cilok lan langsung ngajak kancaku mandheg tuku. “Ma, ayo tuku cilok sing mau aku delok!” ujarku kanthi semangat. Aku tuku cilok pedhes campur pangsit regane Rp5.000, dene kancaku tuku cilok pedhes pentol uga regane Rp5.000.

Sakwise tuku cilok, aku bali lan foto-foto nang ngarep omah sadurunge nikmati cilok mau. Sakwise mangan cilok, aku lan kancaku istirahat rong jam lan salat Dzuhur. Sakwise salat, aku ngajak kancaku dolan numpak motor ngubengi daerah omahku. Sawise puas muter-muter, kancaku bali udakara jam 3 sore.

Ing dina Selasa, aku dolan karo kanca-kancaku ing sekitar omah. Esuk-esuk banget, aku lunga menyang omahe kancaku lan ngenteni nganti dheweke rampung adus. Sakwise kuwi, aku lan kanca-kancaku ngrancang acara sing seru yaiku bakar-bakar pas malam taun anyar. “Ayo sesuk bakar-bakar!” ajakku marang kanca-kanca liyane.

Kabeh padha setuju lan mulai rembugan babagan rincian acara kuwi. Aku menehi usul babagan tanggal lan patungan kanggo acara kasebut. Kabeh setuju karo usulku kanggo nindakake bakar-bakar ing dina Senin tanggal 30 kanthi patungan Rp8.000 saben wong.

Dina Minggu tekan. Aku lan Risma belanja sosis, saus barbeque, tusuk sate, lan areng ing desa Dono karo total belanja udakara Rp40.000. Sakwise menehi kabar total belanja marang kanca-kanca liyane, aku lan kanca-kanca siap-siap kanggo acara bakar-bakar.

Ing dino Senin sore, aku lan kanca-kanca padha kumpul kanggo nyiapake kabeh bahan. Kabeh diwiwiti saka motong sosis lan nyundukake menyang tusuk sate. Nalika bengi tekan, aku lan kanca-kanca nyulut areng lan ngolesi sosis nganggo bumbu sadurunge dibakar.

Nanging ana kedadeyan lucu nalika sawetara sosis tiba lan gosong pas dibakar! Senadyan mangkono, rasane tetep enak lan acara kuwi lumaku lancar kanthi kebak guyu lan kekancan. Liburan iki dudu mung babagan kegiatan seru sing aku lakoni nanging uga babagan kenangan apik karo kanca-kanca sing bakal tak eling terus ing uripku.

Kanthi kabeh pengalaman iki, aku rumangsa banget bejo bisa nikmati liburan kanthi cara sing nyenengake lan kebak makna. Muga-muga liburan sabanjure bisa luwih seru maneh!